﻿Zabur 11
I KEMAZA'AN SID TUHAN

(Pemimpin)
! Bahagi di maangagazad do kuaya. Zabur di Daud.

(Jemaat)
Kemozo oku do mongolikup dohon i TUHAN. Aso guna do momoros sid dohon dot, “Tulud no sid burul yadko ombolog,

(Pemimpin)
sabap sid otuvong, nounda no dit ulun dot ara'at i pana, tu mamana dit ulun tavantang.

(Jemaat)
Nunu-nopo nga aso not agama dit ulun tavantang ong kodung nohuzas no i hoturan sid razat,” ka.

(Pemimpin)
I TUHAN sid valai Dau dot Osusi. Yosido kiogomon dot apangkat sid sorga. Yosido mongontupat di sokoviai i riniba om kelo di sagana i gagama'on dioti.

(Jemaat)
Yosido mongombiri dit ulun tavantang om it ulun tara'at. Yosido dino banalko asana dit ulun di manamod di koburongito.

(Pemimpin)
It ulun tara'at hukumon Dau do kopunavatan, do popou do kisinikit, monirang om barat do kosorob.

(Semua)
I TUHAN otimbang om manamod dit ulun di mangagama dot avantang. It ulun dit otulid i ginavo, kemot om kotutun di Tuhan.

